Ինչպես անցած տարի եղավ, երբ ակումբը որոշեց դարպասապահ ձեռք բերել՝ ի դեմս Կեյլոր Նավասի, որպեսզի հարթի Կասիլյաս֊Լոպես հակամարտության սրացումը, այս անգամ էլ ակումբը մտադիր է լիովին ավարտել սերնդափոխությունը դարպասներում: Ակումբում արդեն իսկ աշխատում են այսպես կոչված «Դե Խեա օպերացիայի» իրագործման համար, ով «Մանչեսթեր Յունայթեդի» հիմնական դարպասապահն է ու Իսպանիայի հավաքականի դարպասի ապագա պահապանը:

«Մադրիդը» արդեն իսկ մի շարք քայլեր է ձեռնարկել այս տրանսֆերը կայացնելու համար, անկախ նրանից, թե ինչպես կդասավորվի Կասիլյասի ապագան: Դե Խեայի՝ «Յունայթեդի» հետ պայմանագրի ժամկետը ավարտվում է 2016 թվականին, ու կողմերը դեռևս չեն համաձայնեցրել նոր պայմանագրի կետերը: Դե Խեան կտեղափոխվի «Ռեալ Մադրիդ», եթե․․․ «Մանչեսթերը», որ ֆուտբոլիստին ձեռք է բերել 22.7 մլն եվրոյով 2011 թվականին, ցանկանում է նրա համար ստանալ 68 մլն եվրո: Դե Խեան կտեղափոխվի «Ռեալ», եթե կողմերը համաձայնության գան զգալիորեն ցածր գումարի հարցում:

24-ամյա դարպասապահը շատ զգացված է «Ռեալի» հետաքրքրությունից ու ցանկանում է վերադառնալ Իսպանիա: Բայց ինչպես պարզել է AS-ը, նա չի շտապում հենց այս ամառ միանալ «Ռեալին», քանի որ դեռևս պարզ չէ Կասիլյասի ապագան: Դե Խեան չի ցանկանում մեկ մրցաշրջան մրցակցել Կասիլյասի հետ՝ արդեն իսկ ունենալով 168 անցկացրած խաղի փորձ «Մանչեսթեր Յունայթեդում»: Բայց նրա ապագան «Օլդ Թրաֆորդում» նաև կախված է այն փաստից, թե արդյոք թիմը կկարողանա նվաճել Չեմպիոնների Լիգայի ուղեգիր: Նրանք հիմա ընթանում է 4-րդ հորիզոնականում:

Ամեն դեպքում, այս ամառ Դե Խեային դժվար թե տեսնենք «Ռեալում»: Ամենայն հավանականությամբ, նա կմիանա թիմին 2016/17 մրցաշրջանում ազատ խաղացողի կարգավիճակում, կամ ինչպես եղավ Կրիշտիանու Ռոնալդուի դեպքում, «Յունայթեդի» հետ նա կկնքի ձևական պայմանագիր ու որոշ գումարի դիմաց կտեղափոխվի «Ռեալ Մադրիդ»: Ինչպես հաղորդում են անգլիական ԶԼՄ-ները, Դե Խեան նոր պայմանագրի ստորագրման դիմաց պահանջում է դրանում ներառել հրաժարագին 30 մլն եվրոյի չափով:

«Ռեալը» կարող է այս ամառ ձեռք բերել Պետր Չեխին, եթե Կասիլյասը որոշի հեռանալ՝ այսպիսով լրացնելով առաջացած բացը: Չեխի պայմանագիրը «Չելսիի» հետ ավարտվում է 2016 թվականին, բայց նա ցանկանում է հեռանալ ակումբից, քանի որ Մոուրինյոն գերադասում է մեկնարկային կազմում տեղը հատկացնել Տիբո Կուրտուային: