Google ընկերությունը ամեն տարի ապրիլի 1-ին ներկայացնում է հետաքրքիր ու զվարճալի նորույթներ: Երեկ արդեն գրել էի, որ Google Map քարտեզների վրա հնարավոր է խաղալ Pac-Man խաղը: Google-ը դրանով չի բավարարվել և թողարկել է նոր կայք, որը տեսնելու համար պետք է Google.com-ը հավաքել հակադարձ ուղղությամբ՝ com.google: Վերնագիրն արդեն հուշում է, որ բացված կայքում ամեն ինչ ցուցադրվելու է հակադարձ ուղղությամբ: Սա նաև առաջին դեպքն է, երբ Google-ը օգտագործում է իր .google դոմեյնային տիրույթը: