Lazzaro-ն շուրջ մեկ տարի է` բնակվում եւ աշխատում է Միացյալ Նահանգներում: Հայրենիքի սահմաններից դուրս էլ գործիքավորողը հետեւում է հայկական շոու-բիզնեսի իրադարձություններին, ուրախանում գործընկերների գրանցած հաջողություններով եւ շարունակում համագործակցել նրանց հետ: Նշենք, որ մրցանակաբաշխության արդյունքներով տարվա հիթ ճանաչված Արմոյի (ՈՒշ Է հիմա) երգը գործիքավորել է հենց Լազարոն: Նա տեղեկացրել է, որ այժմ համագործակցում է ռուս փոփ-երգչուհի Նյուշայի հետ. «Գործիքավորում եմ նոր երգեր, որոնք տեղ կգտնեն նրա նոր ալբոմում: Ինչ վերաբերում է ամերիկյան արտիստներին, այստեղ մեր նորաստեղծ թիմով աշխատում ենք սկսնակ երգիչների հետ, որոնց պետք է փորձենք դարձնել հանրաճանաչ ինչպես ԱՄՆ-ում, այնպես էլ նրա սահմաններից դուրս: Մեր նպատակն է մոտ ապագայում մեծ ձեռքբերումներ ունենալ համաշխարհային շոու- բիզնեսում»: Հետաքրքրվեցինք նաեւ, թե մեր Նախորդ զրույցից հետո ինչ զարգացումներ են ունեցել իր եւ զուգընկերուհու հարաբերությունները.«Մեր նախորդ զրույցից մոտ մեկ տարի է անցել: Այս ընթացքում շատ բան է փոխվել իմ կյանքում: Ամեն բան անցյալում է: Իսկ թե հիմա ունեմ ընկերուհի, թող գաղտնիք մնա. անձնականիս հետ կապված ոչ մի պլան դեռ չունեմ»:
|
